“Danau Kaco Katingal Dhasaripun”

Senen, 14 Oktober 2013

(Feature) 

 Kangge pamaos ingkang sampun ningali film “Life of Pie”, prikså toyå ingkang cumolorot cahyanipun? Mekaten ugi ing Kabupaten Kerinci ingkang dipunanugrahi kaendhahan ingkang istimewa lan luar biasa. Kabupaten ingkang wonten ing iring kilen provinsi Jambi menika sajatosipun sampun dipunparingi jejulukan “Bumi dengan segempal tanah surga yang tercampak di Bumi”, kenging menapa?  

 Setunggal saking kaendhahan alam ingkang wonten ing Kabupaten Kerinci inggih menika danau kaco. Dipunsebat danau Kaco, amargi weninging toyå ingkang nggumunaken. Danau Kaco wonten ing Desa Lempur, Kecamatan Gunung Raya, kawasan Nasional Kerinci Seblat (TNKS),  sedangunipun ing margi tumuju ing danau menika, kita dipunsuguh kaendhahan alam ingkang taksih asri, amargi taksih dipunjagi lan dipunlindungi dening warga masyarakat. Danau kaco utawi danau kerinci gadah sayutå pesona utawi kaendhahan saking weninging toyå lan kathahipun ulam semah, kiwa tengen danau dipunkelilingi taneman ingkang rindang satemah dadosaken udara ing sakeliling danau sejuk lan katon saya asri, kita sedaya pindane dibektå kangge mriksani isinipun danau kasebut.

      Kanthi cetha, kajeng ingkang mlagrang ing salebeting danau menika sampun wonten saking sewu taun kapungkur. Pindhane kaca ingkang wening lan jernih, danau menika dereng kaukur lebetipun lan para panyelam menika dereng dumugi dhasaring danau, nanging dhasaring danau saged katingal jelas sanget, amargi weninging toya menika saha dados papan urip ulam semah.

Danau kaco ugi gadah misteri, menawi dalu danau menika saged murub, khususipun menawi wulan purnama, cahya cumolorot saking lebet danau pindhane cahya saking bumi dipunpancaraken dhateng langit. Saking cariyos rakyat utawi folklore ingkang ngrembaka, cahyaning danau menika asalipun saking intan lan emas ingkang kasimpen ing dhasaring danau. Intan lan emas menika gadhahipun Raja Gagak ingkang dados panguwasa ing jaman semanten, intan lane mas menika minangka pangiket awujud prajanjen para pangeran ingkang gadheh niat badhe garwa putri Raja Gagak ingkang naminipun Purti Napal Melintang ingkang ayu pasuryanipun kala semanten. Mitos sanesipun ing danau kaco inggih menika menawi badhe mincing ulam kedah gadah niat ingkang sae, menawi niatipun sampun boten sae mancing ing danau boten bakal angsal ulamipun. Mancingipun ugi kedah ngginakaken pancing, miturut warga mriku menawi ngginakaken jaring boten wonten ulam ingkang mlebet. Asiling pancingan ugi sami kaliyan ingkang dipuniataken, bilih badhe mincing niat angsal 5 ulam, nggih saestu angsal 5. Menawi langkung saking 5, sanesipun menika sanes ulam semah nanging ulam sanesipun, kadosta lele lan ulam ingkang boten katingal ing danau.

       Miturut Hasan (pencinta alam), menawi badhe mlebet ing kawasan danau kaco menika kedah nyuwun idin rumiyin dhumateng tiyang sepuh adat, amargi danau kaco mlebet ing kawasan adat ingkang taksih dipunjagi. Lan pesenipun warga adat mriko, menawi badhe wisata ing danau kedah njagi karesikan lan boten pareng ngrusak alam ing sakiwa tengening danau kaco.

Bakpia, sisah mlebet pasar internasional (straight news)

“Bakpia Pathok 25, Sisah Mlebet Pasar Internasioanal”

27 September 2013

       Bakpia Pathok 25, dereng saged mlebet pasar internasional. Ananging sampun katah dipunbekta dening para wisatawan ingkang sami remen bakpia, salah satunggaling makanan khas Ngyaogyakarta ingkang sampun wonten saking taun 1948.

      Bakpia ingkang misuwur lan ngrembaka menika dipunproduksi ing kampung Pathuk lan asring dipunsebat kampung bakpia. Salah satunggaling produsen inggih menika bakpia pathuk 25, ingkang dumugi samenika taksih dados primadona, amargi raos khas lan kualitas ingkang dipunjagi saestu. Papan produksi wonten ing toko Pabrik Jaya jalan Sanggrahan Pathuk NG/504. Wonten ing mriki, para wisatawan saged langsung mriksani produksi lan saged tumbas bakpia ingkang taksih panas utawi tembe kemawon mateng. Ing pabrik menika para wisatawan ugi saged tumbas maneka warni oleh-oleh khas Ngayogyakarta sanesipun bakpia.

       Bakpia Pathuk 25 ingkang misuwur kanthi raos khas kacang ijo (orisinal) menika ndadosaken para wisatawan manca utawi domestic langkung remen lan asring mados bakpia kanthi raos kacang ijo. Pimpinan produksi bakpia pathok 25 inggih menika bapak Arlen Sanjaya, ingkang penenrus pimpinan nomer gangsal saking usaha keluarga. Bakpia ingkang saged dipun bekta ing manca lan mlebet pasar internasional namung ingkang raos coklat, keju, lan nanas. Ingkang raos kacang ijo menika boten saged tahan lama, satemah taksih sisah anggenipun mlebet pasar internasional. Raos kacang ijo ingkang khas menika amargi anggenipun ngoven ngginakaken oven arang, sanes oven gas. Oven arang menika ingkang ndadosaken ciri khas arum kacang ijo ing bakpia. Menawi dipuntingali saking tahan lamainipun, bakpia ingkang raos kacang ijo menika namung tahan dumugi sekawan dinten, lajeng ingkang raos coklat, keju, lan nanas menika saged dumugi seminggu lan saged dumugi satunggal sasi. Amargi menika bakpia pathuk sisah mlebet pasar internasioal lan dereng manggihaken solusi ingkang saged ndadosaken bakpia menika saged mlebet pasar internasioanal, khususipun ingkang raos kacang ijo.

       Miturut mbak Eri, minangka salah satunggaling SPG ing pabrik nedahaken bilih “para wisatawan langkung remen ingkang raos kacang ijo, nanging ingkang saged dipunbekta ing Negara asalipun nggih namung raos sanesipun kacang ijo”.

Jaya ing kampung bakpia (news feature)

“Taksih Jaya wonten ing Kampung Bakpia”

27 September 2013

       Bakpia, khususipun Bakpia Pathok 25 minangka salah satunggaling primadona bakpia ing Ngayogyakarta. Bakpia ingkang nggadaih raos khas kacang ijo utawi raos orisinal, dados salah satunggaling bakpia ingkang dipunpadosi wisatawan manca utawi domestic ingkang sami dhateng Ngayogyakarta lan dados makanan ingkang kedah wonten dados oleh-oleh. Bakpia ingkang misuwur lan ngrembaka ing kampung bakpia, sanadyan katah produsen ingkang damel lan ugi sadean bakpia kanthi raos ingkang sami.

       Miturut mbak Eri, minangka salah satunggaling SPG ing bakpia pathok 25, nedahaken bilih “sanesipun raos ingkang dipunjagi orisinalipun, ugi dipungatosaken kualitas kanthi boten ngapusi para wisatawan utawi para konsumen ingkang dhateng ing mriki”.

       Produksi bakpia pathok 25 menika dipunwiwiti saking tiyang sepuh saking Bapak Arlen Sanjaya, inggih menika Ny. Tan Aris Nio kanthi proses cobi-cobi. Jaman semanten namung wonten setunggal pegawe lan dipunsengkuyung gangsal putranipun. Wiwitipun menika namung usaha rumahan utawi Home industry alit alitan. Nanging samenika saged ngrembaka lan teksis jaya ing kampung produksi bakpia, inggih menika ing jalan Sanggrahan Pathuk Ngayogyakarta.

      Bakpia Pathok 25, minangka produsen bakpia ingkang misuwur saking taun 1948 dumugi samenika nggadaih trik lan resep piyambak supados raos bakpia ingkang dipundamel menika bedo kaliyan sanesipun, lan ugi njagi kualitas saking bakpia menika piyambak. Ingkang dados primadona inggih menika bakpia kanthi raos kacang ijo (orisinal), amargi raos lan arum kacang ijo menika boten ical, lan langkung katah ingkang remen. Produksi bakpia ingkang raos kacang ijo menika ngginakaken oven arang, bedo kaliayan raos sanesipun ingkang ngginakaken oven gas. Oven arang menika ingkang dados khasipun raos ugi arum kacang ijo menika. Sanesipun raos kacang ijo, bakpia pathok 25 ugi damel varian raos bakpia ingkang saged dados alternative, inggih menika raos cokelat, keju, lan nanas. Boten namung raos ingkang beda lan wonten penanganan khusus, saking regi lan tahan lamanipun bakpia ugi bedo-bedo. Menawi bakpia raos kacang ijo menika namung tahan dumugi sekawan dinten lan reginipun langkung awis, lajeng ingkang raos cokelat, keju lan nanas menika saged tahan dumugi seminggu langkung, ugi reginipun langkung mirah saking raos kacang ijo.

Proses Produksi Bakpia Pathok 25

      Proses produksi bakpia wonten pinten-pinten tahap, inggih menika proses persiapan, damel isi, damel adonan kulit, dipunpanggang lan dipunkemas. Ingkang sepisan inggih menika damel isi kacang ijo, kacang ijo menika dipunpecah kanthi mesin, dipuncuci, dipunkungkum, lajeng dipuncuci kanthi kulit caking menika uwal saking kacang. Lajeng kacang dipungodhog ngantos amoh, nanging boten lengket. Kacang ijo lajeng dipungiling supados alus. Sesampunipun dipungiling kacang menika dipungoreng kanthi dipunolak-alik. Sesampunipun adonan radi kalis lajeng dipuntambah gendhis pasir. Kaping kalih inggih menika damel kulit bakpia, menika saking terigu, gendhis pasir, sarem, lan toya dipuncampur  dados setunggal, lajeng dipungiling supados adonan kalis, lan boten risak menawi dipuntarik. Adonan kulit menika dipuntugel-tugel kanthi manual lajeng dipuncetak lan dipunisi. Ingkang terakhir inggih menika dipunpanggang kanthi oven arang, kanthi dipunolak-alik supados bakpis boten geseng. Bakpia ingkang sampun dados lajeng dipunwadaih ing kotak karton.

       Produsen bakpia pathok 25, namung produksi kangge jangkepi kabetahan 4 toko resmi ingkang sade bakpia, nanging boten nutup kamungkinan wonten ingkang tumbas lajeng dipunsade malih. Samenika 4 toko cabang bakpia pathok 25, boten namung sadean bakpia, nanging ugi wonten makanan khas sanesipun bakpia ingkang dipunstok saking para produsen makanan khas Ngayogyakarta, khususipun. Satemah Bakpia Pathok 25 misuwur ing para wisatawan dados toko oleh-oleh khas Ngayogyakarta ingkang dipunminati lan dipunpadosi.

Higienis Sanitasi lan Pengawasan Mutu

       Wonten ing produksi bakpia, produsen bakpia pathok 25 ngginakaken terigu lan kacang ingkang dados bahan utama. Lajeng dipuntambah bahan pendukung kadosta lenga kelapa barco, gula pasir, lan garem. Bahan baku kacang ijo menika dipunstok saking Demak, Jombang, Surabaya, lan ugi langsung saking petani kacang. Ingkang sedaya dipunjagi kualitas lan kuantitasipun, saking sarana nyimpen, damel dumugi bungkusipun. Sedaya bahan baku menika dipun simpen lan dipunginakaken kanthi system FIFO (First in firt out), satemah boten wonten bahan ingkang sampun dangu dipunsimpen, satemah asiling produksi lan raos bakpia dipunjagi sanget kualitasipun. Sanesipun saking raos lan bahan baku, ugi saking higienis lan sanitasinipun dipungatosaken sanget.

       Higeinis lan sanitasi menika asring boten dipungatosaken ing produsen-produsen alit. Kanthi nggatosaken kalih perkawis menika, produk utawi bakpia ingkang dipundamel jelas gadhah kualitas ingkang sae, utamanipun saking caranipun nyimpen. Higeinis lan sanitasinipun boten namung ing wekdal produksi, nanging ugi gayut kaliyan keamanan produk (bakpia) ing pasaran dumugi ing konsumen. Citraning produksi ingkang sae menika kanthi kaciptaning keresikan ingkang higienis lan sanitasi ingkang sae. Tuladhanipun higeinis ingkang saking personal, alat-alat produksi, papan, saha dhaharan. Saking higienis personal ingkang wigati inggih menika kuku asto resik boten panjang, rekma rapi satemah boten dhawah ing pundi-pundi, ngginakaken jangkeping 3K, lan siram. Higienis alat produksi tuladhanipun sedaya alat ingkang tembe kemawon dipunangge kangge produksi kedah enggal-enggal dipuncuci ngginakaken toyo anget, meja lan sanesipun dipunresiki kanthi resik. Satemah saged njagi kualitas produk, lan ugi saged ngindari bakteri penyakit ingkang saged medakaken kualitas produk. Saking papanipun, menika kedah resik saking tegel, plafon, satemah sirkulasi angina menika lancer, boten panas lan boten brisik. Higienis dhaharan inggih menika saking papan kangge nyimpen, alat kangge mendhet, ugi lingkungan wonten pundi dhaharan menika dipunsimpen.

      Pengawaan mutu ing bakpia pathok 25 menika saking bahan baku, proses produksi, lan produk asiling produksi. Menawi saking bahan baku, dipunkontrol saben tahap produksi kanthi cara organoleptic. Ing tahap proses produksi dipunkontrol saking tahapan dumugi pegawenipun. Ingkang dipunkontrol inggih menika ing tahap damel adonan, mateng lan cetak bakpia, supados ngasilaken bakpia ingkang kualitasipun sae. Lajeng saking asiling produksi inggih menika saking pamerangan bakpia ingkang sae menapa boten, saking wujudipun geseng menapa boten, pecah utawi cacat menika langsung dipunpisah. Sedaya dipunawasi saking produk, dipunwadaih, dumugi produk menika lolos uji lajeng saged dipunpasaraken.